aus einem mail zum thema:

> Es sait dr Schiiri Ivanov
> Zue synen Assistänte schroff:
> "Eppis mien Dir zwai begriffe
> Mir dien doo in Basel pfyffe
> Gääge ManU spiile die
> und mir gänn ys alli Mieh
> dass d Hierarchie nit fleete goot
> und Basel ManU hitte schloot."
>
>
> Bim Ainsnull isch dr Schiiri gschoggt
> Är merggt dass är im Schissdrägg hoggt
> ManU stoot totaal im Schilf
> und bruucht drum em Ref sy Hilf.
> So deerf dr Fortune ummeschwaarte
> griegt statt Root nur gääli Kaarte.
> Au dr Scholes, dä Kupferblätz
> bewäärtet "unsre" Schiiri lätz.
>
>
> er Pause fiehrt dr FCB
> Dr Ivanov dänggt als wie mee:
> "E Siig vo Basel deerf nit syy
> jetz muess ych reagiere, glyy!"
> Stellt sich bi'r "Hakan-Szene" dumm
> statt Foul-Pfiff blyybt sy Tröte stumm
> So het emänd är's duuregstiert:
> Dr Groossi gwinnt, dr Glai verliert.